Ողջույն բոլոր հայերին

Կյանքը այնքան անկանխատեսելի է և այնպիսի անակնկալներով լի է, որ ուղղակի իմաստ չունի փակվել սեփական խխունջում։ Վաղ, թե ուշ կյանքը կթակի այդ խխունջի դուռը և քեզ զոռով կտանի այնպիսի հորձանուտներ, որոնք դու անգամ չես էլ կանխատեսել։ Սա է բնության օրենքը, ոչ մենք ենք հորինել, ոչ էլ մենք ենք կառավարում։ Մեզնից յուրաքանչյուրը արժանի է երջանիկ ապրելու, սիրված լինելու, փոխադարձելու։ Ընդամենը պետք է շնորհակալ լինել, որ ապրում ենք այս աշխարհում։ Ես էլ բոլորի պես ակնկալում եմ պարզ մարդկային երջանկություն, ներդաժնակություն։ Ինքս լինգվիստ եմ, թարգմանիչ, շատ հարգանքով եմ վերաբերում իմ ազգի մշակույթին, ստեղծագործում եմ, ունեմ բանաստեղծական ձիրք։ Բայց միշտ գալիս է պահ, որ ուզում ես վերադառնալ իրականություն, կողքիդ ունենալ հոգատար մեկին, ում հետ քեզ զգաս ապահով, սիրված, փայփայված և այդ գեղեցիկ հարաբերությունները կտան արժանի պտուղներ։ Ընդամենը հույս ունեմ, որ կգտնվի այն տղամարդը, ով իսկապես գիտի իսկական կնոջ արժեքը, ով թև կտա և կճախրենք միասին, մեր սեփական բույնը հյուսելով։ Այս կայքի բոլոր օգտատերերին սրտանց մաղթում եմ, որ գտնեն իրենց արժանավոր զույգին։